মই যোৱা পথটো

 মই যোৱা পথটো

Moi_jua_pothtu_assamese_poem

মই যোৱা পথটো

আনন্দময়ী আছিল ,

চাৰিওফালে সেউজীয়া পাতেৰে

আৱৰা গছ গছনি আছিল ।

ৰঙা নীলা কমলা ৰঙৰ

ফুল ফুলিছিল ,

চৰাইবোৰেও সুৰীয়া 

সুৰেৰে মাত মাতিছিল ।

ৰ'দে সদায় ইয়াতেই 

লুকা-ভাকু খেলিছিল,

এঠাইত যদি ৰ'দ, এঠাইত ছাঁ এ

স্থান গ্ৰহণ কৰিছিল।

ঠাল ঠেঙুলিত ফুলে ফলে

ঠাইখিনিৰ সৌন্দৰ্য্যতা বঢ়াইছিল,

দেখিলেই ঠাইদখৰ এৰি

যাবলৈ মনে নামানিছিল।

কিন্তু এতিয়া সেই পথটোত

আধুনিকতাৰ  ধুমুহা আহিলে,

লগে লগে ইয়াৰ গছ-গছনিবোৰক

কাটি শেষ কৰিলে।

ঠাইখিনিৰ সৌন্দৰ্য্যতা 

সকলো শেষ কৰিলে,

ইয়াত থকা নানাৰঙী চৰাইবোৰেও 

নিজৰ ঠাই এৰিলে।